GM

 

*GOOD Morning* 🔼🔽

*ECHO-एक गूंज* 🌍

બધા સંબંધો સાચવી શકાતા નથી. કેટલાંક સંબંધો તૂટવા માટે જ સર્જાયા હોય છે. તમે ગમે તે કરો તો પણ કેટલાંક સંબંધો બચાવી શકાતા નથી, એનું કારણ એ જ હોય છે કે, સંબંધ ક્યારેય એક પક્ષે ટકી ન શકે. આપણે ગમે એટલા સારા હોઇએ તો પણ આપણે દરેક સંબંધ બચાવી શકતા નથી. સામે પણ સત્ત્વ હોવું જોઇએ.

GM

 

*GOOD Morning* 🔼🔽

*ECHO-एक गूंज* 🌍

જે માણસ પોતાને નથી માનતો એ ભગવાનને પણ માની નહીં શકવાનો. ધર્મ અને અધ્યાત્મની શરૂઆત પોતાનાથી જ થાય છે. માંહ્યલાને સમજશો તો જ પરમાત્માનો પરિચય મેળવી શકશો. 

GM

 

*GOOD Morning* 🔼🔽

*ECHO-एक गूंज* 🌍

સુખ અને દુ:ખ ઘણાબધા અંશે માનસિક જ હોય છે. જેને ખરેખર દુ:ખ કહી શકાય એવું તો થોડુંક જ છે. સ્વજનનું મૃત્યુ અને બીમારી પીડા આપે છે. એ સિવાય જે બને છે એનાથી કેટલું દુ:ખી થવું એ તો આપણે નક્કી કરવાનું હોય છે. આપણે અંધારામાં જ પડ્યા રહીએ તો એમાં વાંક આપણો હોય છે. આપણને ખબર હોય કે અહીં અંધારું છે તો ત્યાંથી વહેલીતકે અજવાળા તરફ ચાલ્યા જવું જોઇએ. અંધારું આપોઆપ હટવાનું નથી. 

GM

 

*GOOD Morning* 🔼🔽

*ECHO-एक गूंज* 🌍

દરેક પંખીને ખબર હોય છે કે ઊડવું હશે તો પાંખો ફફડાવવી પડશે. આપણને એ ખબર હોવી જોઇએ કે, જિંદગીના આકાશને માણવા માટે પાંખો ફફડાવવી પડશે. માણસે એ વિચારવું જોઇએ કે, મારી પરેશાનીનું કારણ ક્યાંક હું તો નથીને? હું જ ખોટા ખોટા વિચારો કરીને મને જ હેરાન નથી કરતોને? માણસ સૌથી વધુ પોતાને હેરાન કરતો હોય છે! આવું ન કરતા હમેશા ખુશ રહો સારું વિચારો અને શાંત  રહો .

GM

 

*GOOD Morning* 🔼🔽

*ECHO-एक गूंज* 🌍

બધાને સરસ રીતે જીવવું હોય છે પણ જીવી શકતા નથી. કેમ નથી જિવાતું એવો સવાલ કરીએ તો કહે છે કે, જુઓને કોઈ શાંતિથી જીવવા જ ક્યાં દે છે? રોજે રોજ કોઇ ને કોઇ ઉપાધિ હોય છે! ગમે તે કરીએ તો પણ મેળ પડતો જ નથી. ધાર્યું કંઈ થઈ શકતું જ નથી. આપણી જિંદગીને દુ:ખી સાબિત કરવા માટે આપણી પાસે પૂરતાં કારણો હોય છે પણ સુખ માટે કોઈ કારણો નથી હોતાં. 

GM

 

*GOOD Morning* 🔼🔽

*ECHO-एक गूंज* 🌍

કોઇ રાજી કરે અને આપણે રાજી થઇ જઇએ, કોઇ નારાજ કરે અને આપણે ઉદાસ થઇ જઇએ, કોઇક ચાળો કરે અને આપણે ગુસ્સે થઇ જઇએ, એનો મતલબ તો એ જ થયો કે આપણે કોઇ ઇચ્છીએ એમ જ જીવીએ છીએ.
ક્યારેક થોડોક વિચાર કરી જોજે કે આપણે આપણને ગમે એવું કેટલું જીવીએ છીએ? બધાને સરસ રીતે જીવવું હોય છે પણ જીવી શકતા નથી. 

GM

 

*GOOD Morning* 🔼🔽

*ECHO-एक गूंज* 🌍

કોઇ આપણને કંઈ બોલી જાય અને આપણો મૂડ આઉટ થઇ જાય છે. મૂડ તો ત્યારે આઉટ થાયને જ્યારે આપણે થવા દઈએ? આપણે થવા જ ન દઈએ તો? કોઇ કંઇ બોલે કે કોઇ કંઇ કરે એની કેટલી અને કેવી અસર આપણે આપણા પર થવા દેવી એ તો આપણે નક્કી કરવું જોઇએને? જો તમે એ નક્કી ન કરી શકો તો સમજવું કે, તમારો કંટ્રોલ જ તમારા પર નથી. માણસે એવું રમકડું ક્યારેય ન બનવું જોઇએ જેની ચાવી બીજા કોઇના હાથમાં હોય!